Ադրբեջանում ցնծում են. Հայաստանում թշնամի պետության սրտով հայոց պատմության դասագիրք է գրվել

168.am-ը գրում է․

«Շուրջ մեկ շաբաթ առաջ «ԲՆՕՐՐԱՆ պատմական հուշարձանների պահպանման  հայկական ընկերություն» ՀԿ-ի նախաձեռնությամբ քննարկում կազմակերպվեց շուրջ 20 գիտնականների մասնակցությամբ: Խնդրո առարկան Սմբատ Հովհաննիսյանի հեղինակած չարաբաստիկ «Հայոց պատմություն-7» դասագիրքն էր: Քննարկմանը հրավիրված են եղել ականավոր պատմաբաններ, նեղ մասնագետներ, հնագետներ, արևելագետներ: Հրավիրված էին նաև դասագրքի հեղինակ Սմբատ Հովհաննիսյանն ու դասագրքի պատվիրատուն՝ «Մասնակցային դպրոց» կրթական հիմնադրամի տնօրեն Վահրամ Սողոմոնյանը: Վերջիններս, սակայն, գերադասել են չմասնակցել քննարկմանը. Հարմար չի եղել:

Քննարկման արդյունքներով՝ հայտարարության տեքստ է հրապարակվել, որի տակ ստորագրել է գիտնականների պատկառելի կազմ, որոնցից շատերը, մեր տեղեկություններով, անգամ անձնական խնդիրներ ունեն միմյանց հետ: Բայց այս մարդիկ վեր են կանգնել միջանձնային հարաբերություններից, անձնական ամբիցիաներից՝ հանուն երեխաների, հանուն ազգային կրթության ու ազգային նվիրական նպատակների, հանուն պատմության չխեղման: Ընդհանուր առմամբ շուրջ 20 գիտնական Կրթության, գիտության, մշակույթի և սպորտի (ԿԳՄՍ) նախարարությանը հորդորել է կասեցնել աղմկահարույց դասագրքի կիրառումը հանրակրթական դպրոցներում:

Սա, թերևս, անսպասելի էր ԿԳՄՍ նախարարության ու անձամբ Սմբատ Հովհաննիսյանի ու Վահրամ Սողոմոնյանի համար, որովհետև մինչ այդ հանդիպումը վերջիններս ԿԳՄՍ նախարարության բարձր հովանու ներքո դասագրքի դեմ արշավն անվանում էին քաղաքական, իսկ նախարար Ժաննա Անդրեասյանն էլ Ազգային ժողովի (ԱԺ) ամբիոնից հոխորտում էր՝ համակերպվեք դասագրքի գոյության հետ: Սակայն հայտարարության տեքստի տակ դրված ստորագրությունները պայթեցրին այդ քարոզչական փուչիկը, որովհետև այդ պատկառելի կազմի ճնշող մեծամասնությանը վստահաբար, անգամ մեծ ցանկության դեպքում, քաղաքականացված չես համարի:

Նույն Ժաննա Անդրեասյանն արդեն «Բնօրրանի» կազմակերպած քննարկումից հետո նույն ամբիոնից հայտարարեց՝ կհանդիպի դասագրքի կասեցումը պահանջող խմբի հետ:

Հասկանալի է, որ սա ԿԳՄՍ նախարարի կողմից «փափուկ բարձի» քաղաքականության ցայտուն դրսևորում է, ժամանակ ձգելու փորձ, մինչև դասագրքի շուրջ աղմուկը կմարի: Բարեբախտաբար, չի մարում:

Սակայն, պարզվում է, նշված հանդիպումը, բացի պետական իրավասու մարմիններից, դասագրքի հեղինակից ու պատվիրատուից, մտահոգել է նաև Նիկոլ Փաշինյանի ընտանեկան կայքին և… ադրբեջանական հեռուստաընկերություններին:

Զերծ կմնանք armtimes.com-ի հրապարակումը մեկնաբանելու գայթակղությունից, բայց կանդրադառնանք ադրբեջանական քարոզչամեքենաների մեջ ուրույն տեղ ունեցող Baku TV հեռուստաալիքի պատրաստած ռուսալեզու ռեպորտաժին նշված դասագրքի վերաբերյալ:

Նկատենք, որ ադրբեջանական քարոզչամեքենայի ռեպորտաժը պատրաստված է «Բնօրրանի» նախաձեռնած քննարկումից ու հրապարակված եզրակացությունից հետո:

«Հայաստանում պատմության դասագրքի շուրջ սկանդալ է հասունանում: Կեղծիքների սովոր հայ պսևդոպատմաբանները չեն կարողանում շոկից դուրս գալ և ԿԳՄՍ նախարարության դեմ կոլեկտիվ հայց են պատրաստում»,- ասվում է դասագրքի շուրջ աղմուկի վերաբերյալ ադրբեջանական հեռուստաալիքի պատրաստած ռեպորտաժում:

Եվ թեև ռեպորտաժի ադրբեջանցի հեղինակները նշում են, որ 7-րդ դասարանի նոր «Հայոց պատմության» դասագրքում դեռ շատ են պատմական իրադարձությունների ստահոդ մեկնաբանությունները, նրանց հատկապես ուրախացրել են այդ դասագրքում հրապարակված քարտեզները, ինչի վերաբերյալ էլ հայ մասնագետներն ահազանգում են արդեն երկու ամիս:

Ամբողջովին ծաղրուծանակով ուղեկցված ռեպորտաժում առանձնակի հպարտության առարկա է դասագրքում թուրքական պետության հիմնադիր Մուստաֆա Քեմալ Աթաթուրքի անվան հիշատակությունը:

«Այո, նոր հայկական դասագրքերը մի օր կպատմեն ողջ ճշմարտությունը, այդ թվում՝ Ղարաբաղի իրական, ոչ հորինված պատկանելության ու 1915թ. ողբերգական իրադարձությունների մասին»,- ասվում է ադրբեջանական հեռուստաալիքի պատրաստած ռեպորտաժում:

Մնում է միայն չալարել, մտածել ու հասկանալ՝ ինչու են Ադրբեջանում ցնծում «Հայոց պատմություն-7» նոր դասագրքի հրատարակմամբ ու այդ դասագրքի՝ դպրոցներ մուտք գործելու փաստի առնչությամբ, ինչո՞ւ էր, օրինակ, ուրարտագետ Միքայել Բադալյանն ասում՝ դասագիրքը ներկայացնում է թուրքական ազգայնամոլական պատմագիտության շահերը, ինչո՞ւ էին բարձրաձայնում այն մասին, որ Տիգրան Մեծի ժամանակների քարտեզում Ադրբեջան չեղած պետության պատկերումը մեծ նվեր է ադրբեջանական հորինված պատմագիտության ու քաղաքական նկրտումների համար, և ի վերջո, ինչո՞ւ դասագրքում չկա Մասիս սարի գեթ մեկ պատկեր, իսկ Էրեբունին էլ Ուրարտուի և Երևանի հետ կապ չունի»:

Կարդացեք նաև՝

• Ուրմիան Հայկական լեռնաշխարհի արևելյան սահմա՞ն. ի՞նչ է ուսուցանվելու 7-րդ դասարանում

• Դասագիրք՝ առանց Երևանի և Պատմահոր կենսագրությունների

• Հայոց գրերի ստեղծումը «մեկ նախադասությամբ» և առանց Սահակ Պարթևի. հայտնի դասագրքի «հակառակ կողմը»

• 15 աշխարհներն առանց Վասպուրականի. «բարդակ»՝ 7-րդ դասարանի դասագրքում

• Դիտարկումներ 7-րդ դասարանի «Հայոց պատմության» դասագրքի վերաբերյալ

• Մասնագիտական ահազանգ. հարեմների փոխարեն 7֊րդ դասարանի դասագիրքը կարելի էր լցնել շատ ավելի օգտակար տեղեկություններով

• Հայոց պատմության 7-րդ դասարանի դասագրքի սխալ տեղեկությունները. մասնագիտական դիտարկում

• Պետք է բոյկոտել ու կտրուկ մերժել Սմբատ Հովհաննիսյանի հեղինակած դասագիրքը. պատմաբան. «Հրապարակ»
• Դասագրքում արմատահան է արվում Արծվաշենին տեր լինելու գիտակցությունը. ուսուցիչ

• Հայոց պատմության 7-րդ դասարանի դասագիրքը ազգային աղետ է, վտանգ ու սպառնալիք․ Անժելա Հարությունյան

• «Կան ուժեր, ըստ որոնց՝ հայրենասիրության, պատմամշակութային ժառանգության մասին խոսելը համաշխարհային գիտության սկզբունքներից շեղում է». Աշոտ Մելքոնյան

• Սկանդալային դասագրքի խմբագիրը հեղինակի կինն է. մարդը գրել է, կինը՝ խմբագրել

• «Հայրենիք», «ազգ» հասկացությունները պիտակվում են որպես պաթոս կամ «հուռայություն», Նժդեհն էլ՝ ֆաշիստ. Լիլիթ Գալստյան

• Սա խուժանություն ու աճպարարութուն է. ովքե՞ր են իրենք, որ մեր արժեհամակարգը դրել են հարվածի տակ. Հայկազուն Ալվրցյան

• Հայոց պատմության դասագրքի խնդիրը չունի մասնագիտական լուծում, այն բացառապես քաղաքական է. դիտարկում

• Աղմկահարույց դասագրքի հերթական անճշտությունը. ոչ թե Ք.ա. 26-25-րդ, այլ 16-15-րդ դարեր

• Ոչ հավաստի քարտեզներ, տուրք թուրքական ազգայնամոլական մոտեցումներին. դիտարկում 7-րդ դասարանի դասագրքի մասին

• Մենք ի սկզբանե Մասնակցային դպրոցին առաջարկել ենք մեր աջակցությունը, որը մերժվել է կամ դիտարկումներ դասագրքից անդին

• Աղմկահարույց դասագիրք. ի՞նչ դիրքորոշում ունեն հայտնի հաստատությունները

• «Զարմանալիորեն», «սկզբնաղբյուրների սակավության» պատճառով, բաց են թողնվել հայոց թագավորության հյուսիսային, հյուսիսարևելյան սահմանները․ Հովհաննես Խորիկյան

• Ծանոթանալով դասագրքին՝ կասկած չի մնում, որ այն ծրագրավորվել և գրվել է հատուկ նպատակով. ՏԵՐ ՀՈՎՆԱՆ ԵՊԻՍԿՈՊՈՍ ՀԱԿՈԲՅԱՆ

• Ամեն ինչ արվում է` արդարացնելու դասագրքի հեղինակին, դասագիրքն ու արծարծված ուղղությունները. արձագանք` Հ1֊ի հաղորդմանը

• Հայոց պատմության դասագիրքը գրված է փնթի, ոչ գիտական, տուրք է տրված թուրք-ադրբեջանական հակագիտական թեզերին. ՀՊՄՀ պրոֆեսոր

• Միտում եմ տեսնում. դասագրքի Ուրարտուի քարտեզի նման քարտեզ անում են թուրք ազգայնամոլական, պետական գծի մեջ գտնվող, այսպես կոչված, «պատմաբանները». Միքայել Բադալյան

• Դասագիրքն ու հեղինակին արդարացնող ոչ մի մասնագետ չարձագանքեց․ ահա առաջին ու ամենակարևոր խնդիրը, որի վրա պետք է սևեռի հանրությունն իր հայացքը․ Ռուսլան Ցականյան

• Դասագիրքը վեպ չէ, որ մի մարդ գրի

• Ծանրակշիռ քննադատություն` գիտական աշխարհից, սարկազմ` քաղաքական քարոզիչներից. դիտարկում` դասագրքի մասին

• Պապ թագավոր և Փաշինյան կամ չկա հերոսը, չի լինի նաև հակառակը` դավաճանը. արձագանք` ասուլիսին

• Օրերս Րաֆֆին վտարվեց դասագրքերից. երկիր հանձնելիս այն խոչընդոտ է. ահազանգ` գրականագետից

• Փորձ եք արել` այս կոնկրետ դեպքում ձախողել եք. գիտնականի դիտարկումը դասագրքի մասին

• Ովքե՞ր են այդ «թաքնված» խորհրդատուները․ դիտարկում՝ աղմկահարույց դասագրքի մասին