Ըմբշամարտի աշխարհի առաջնություն. 2-րդ օրն անհաջող էր հայ մարզիկների համար

ԱՄՆ Լաս Վեգաս քաղաքում ընթացող` ըմբշամարտի աշխարհի առաջնության 2-րդ օրն անհաջող էր հայ մարզիկների համար:

59 կգ քաշային կարգում Ռոման Ամոյանը առաջին գոտեմարտում  8:2 հաշվով հաղթեց Մոլդովան ներկայացնող Վիկտոր Չոբանուին: 1/16 եզրափակիչ փուլում հայ մարզիկը 8:3 հաշվով պարտվեց Ուզբեկստանը ներկայացնող Էլմուրատ Տասմուրադովին:

71 կգ քաշային կարգում  Վարշամ Բորանյանը որակավորման փուլում 5:1 հաշվով հաղթեց կորեացի Յոնգոն Լին: 1/16 եզրափակիչ փուլում հայ ըմբիշը 0:5 հաշվով զիջեց կիրգիզ Կայրաթբեկ Տուգոլբաևին:

Էդգար Սարգսյանը 80 կգ քաշայինների պայքարում որակավորման փուլում 8:5 հաշվով հաղթեց ավստրիացի Մայքլ Վագներին, իսկ 1/8 եզրափակիչ փուլում 7:2 հաշվով պարտվեց ռուսաստանցի Եվգենի Սալաևին:

130 կգ քաշային կարգում Հայաստանը ներկայացնող Էդգար Խաչատրյանը 4:2 հաշվով  պարտվել է Բրազիլիան ներկայացնող Էդվարդ Սողոմոնյանին: