Բռնցքամարտի աշխարհի առաջնություն. հայտնի են հայ մարզիկների մրցակիցները

Այսօր` հոկտեմբերի 6-ին, Քաթարի մայրաքաղաք Դոհայում կմեկնարկի բռնցքամարտի աշխարհի առաջնությունը:

Հայաստանը ներկայացնող 3 մարզիկներն էլ կսկսեն պայքարը 1/16-րդ փուլից: Վաղը ռինգ դուրս կգան 56 կգ քաշային կարգի, 2015 թվականի Եվրոպայի բրոնզե մեդալակիր Արամ Ավագյանն ու 64 կգ քաշային Հովհաննես Բաչկովը, իսկ հոկտեմբերի 7-ին մրցելույթները կսկսի 52 կգ քաշային Կորյուն Սողոմոնյանը: 

Արամ Ավագյանը կմրցի Բելառուսիան ներկայացնող Ասանաու Դմիտրիի հետ, իսկ Բաչկովը` կորեացի Լիմ Հյունչուլի հետ: Կորյուն Սողոմոնյանի մրցակիցը կլինի Պապուա Նոր Գվինեան ներկայացնող Կիամա Չարլզը: 

Հիշեցնենք, որ աշխարհի առաջնությանը մասնակցող հայ մարզիկների քաշային կարգերում 2 օլիմպիական ուղեգրեր են խաղարկվում 52 կգ քաշային կարգում: Եվս 3-ական ուղեգրեր կվիճարկեն 56 և 64 կգ քաշային մարզիկները: