Ըմբշամարտի աշխարհի առաջնություն. երեկ և այսօր

Ստամբուլում մեկնարկած  ըմբշամարտի աշխարհի առաջնությունում հայկական պատվիրակությունը դեռևս լուրջ հաջողությունների չի հասել. մեկ լոնդոնյան օլիմպիական խաղերի ուղեգիր նվաճել է հունահռոմեական Արսեն Ջուլֆալակյանը, մեկ ուղեգիր էլ` ազատ ոճային Միհրան Ջաբուրյանը: 

60 կգ քաշային Նարեկ Սանոյանը առաջին իսկ գոտեմարտում տատամին լքեց պարտված, նրա մրցակիցն էր գերմանացի Տիմ Սկլեյչերը:

84 կգ քաշային դաղստանցի  Հաջիմուրադ Նուրմագամեդովը, ով ներկայացնում էր Հայաստանը, զիջեց Թուրքիայի ներկայացուցիչ Սերդար Բոկեյին:

96 կգ քաշային Հարություն Ենոքյանը 2-րդ գոտեմարտում զիջեց Հնդկաստանի ներկայացուցիչ Մուսամ Խատրիին:

Այսօր  հայ ըմբիշներն իրենց որակները կդրսևորեն մնացած 3 քաշային կարգերում: 

74 կգ քաշային կարգում հունաստանցի Օլեգ Մոտսալինի հետ ուժերը կչափի Հայաստանը ներկայացնող  Մուսսա Մուրթազալիևը, ով կմեկնարկի 1/16-րդ եզրափակիչից:

Իսկ ծանր` 120 կգ քաշային,  Ռուսլան Բասիևը կհանդիպի Ֆլորիան Տեմենգիլի հետ: