Փոխարժեքներ
03 10 2024
|
||
---|---|---|
USD | ⚊ | $ 387.18 |
EUR | ⚊ | € 428.45 |
RUB | ⚊ | ₽ 4.1 |
GBP | ⚊ | £ 514.06 |
GEL | ⚊ | ₾ 141.75 |
Նույնիսկ վիրավորական է
Ո՞վ լիներ Անդրիաս Ղուկասյանի տեղը, որ չվիրավորվեր: Հայրիկյանը երկու օր է` հիվանդանոցում է, բայց ով ասես՝ չայցելեց, ինչ ասես` չասացին, ինչպես ասես՝ չմեծարեցին: Ընդհուպ ասացին՝ մեր պետականությունն է վտանգվել: Ինքն, ահա, 15 օր է հացադուլ է անում, բայց ոչ մեկի մտքով չի անցնում ասել, որ պետականությունը վտանգվում է կամ ընտրությունների վրա ստվեր է ընկնում: Խիստ անհամաչափ են լուսաբանում թեկնածուներին, խիստ անհամաչափ:
Գյուղական քաղաքագիտություն
Առաջիկա նախագահական ընտրություններում Հայրիկյանի հնարավոր հաղթանակը մեր երկրի ու պետականության, ինչու չէ, նաև մեզ համար հղի է լուրջ վտանգներով: Եթե այսօր արդեն, երբ Հայրիկյանը տակավին նախագահի թեկնածու է, դրսի ու ներսի մութ ուժերն այդպես կատաղել են, ապա պատկերացնո՞ւմ եք՝ ինչ կանեն, երբ Հայրիկյանը նախագահ դառնա:
Անբարդույթ
Կայքերը շնչակտուր տեղեկացրել են, որ Հայրիկյանին տեղափոխել են «Սուրբ Գրիգոր Լուսավորիչ» բժշկական կենտրոնի կրծքային վիրաբուժության բաժանմունք: ՀՀ նախագահի թեկնածուն գտնվում է կրծքի լավագույն մասնագետների հսկողության ներքո, ինչը թույլ է տալիս ասելու, որ նրա կուրծքը ապահով ձեռքերում է:
Դհոլ-2012
ՍԻՄ կուսակցության նախկին փոխնախագահ, ՀՀԿ պատգամավոր Հայկ Բաբուխանյանը և «Իրավունք» թերթը ՀՀ 2012 թվականի լավագույն քաղաքական գործիչ են ճանաչել ԱՄԿ նախագահ, ՀՀԿ պատգամավոր Արտաշես Գեղամյանին: Ստանալով «Օսկարը»` Գեղամյանը, փոխանակ հուզվելու, հայտարարել է, որ ՀԱԿ-ն այլևս գոյություն չունի: Դրանով, փաստորեն, Գեղամյանը ալիբի է ապահովել ՀԱԿ-ի համար: Նա այդ պահին չեր կարող իմացած լինել Հայրիկյանի հետ տեղի ունեցած միջադեպի մասին այն պարզ պատճառով, որ միջադեպը դեռ տեղի չէր ունեցել:
Սատանի ականջը խուլ
Հայրիկյանի դեմ կատարվածի պաշտոնական գնահատականը տատանվում է դիվերսիայից մինչ մանր ժուլիկություն միջակայքում: Թե ո՞ր գնահատականը կնախընտրեն, կախված է Պարույր Հայրիկյան-ՍԴ նամակագրությունից:
Հովհարային
Այսօր ԱԺ-ին 20 րոպեով լույս էին տվել: ՊատՃառը, ինչպես նշեցին Հովիկ Աբրահամյանին դեռևս հիշող աշխատակազմի տեխնիկական բաժնի աշխատակիցները, ԲՀԿ առաջնորդ Գագիկ Ծառուկյանի այցն է եղել:
Էդիկ ԱՆԴՐԵԱՍՅԱՆ