|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Սիրիայում «Իսլամական պետություն» ահաբեկչական խմբավորման դիրքերի ուղղությամբ ամերիկյան հարվածները կշարունակվեն մի քանի շաբաթվա ընթացքում կամ մինչև մեկ ամիս։ «Արմենպրես»-ի հաղորդմամբ՝ այս մասին հայտնում է NBC News-ը, հղում անելով ամերիկացի երկու պաշտոնյաների։
Պաշտոնյաներից մեկի փոխանցմամբ՝ մեկնարկած գործողության նպատակը հարվածներ հասցնելն է այն շրջաններին, որտեղ ահաբեկչական խմբավորումը փորձում է վերականգնել իր ուժերը։ Գործողությունը միտված է այդ խմբավորումների չեզոքացմանն ու նրանց տարածման կանխմանը։
NBC-ի աղբյուրների տվյալներով՝ «Իսլամական պետության» ենթադրյալ տեղակայման վայրերին հարվածներ հասցնելու համար ԱՄՆ-ը կիրառել է A-10 գրոհիչներ, F-16 կործանիչներ, Apache հարվածային ուղղաթիռներ և HIMARS համազարկային կրակի ռեակտիվ համակարգեր։ Գործողությանը աջակցություն են ցուցաբերել նաև Հորդանանի ռազմաօդային ուժերի F-16 ինքնաթիռները։