Լուկաշենկոն չընտրեց Ռուսաստանը. Независимая газета

Բելառուսը պատրաստ է մերձենալ ԵՄ-ի հետ և անգամ քաղաքական բարեփոխումներ անել, եթե Եվրոպան օգնի գումարով: Այդ մասին հայտարարել է Բելառուսի նախագահ Ալեքսանդր Լուկաշենկոն՝ Մինսկում հանդիպելով ԵՄ հարևանության քաղաքականության և ընդլայնման հարցերով հանձնակատար Յոհաննես Հանի հետ. գրում է Независимая Газета-ն:

«Մենք չենք խնդրել մտնել Եվրամիություն, բայց մենք կցանկանայինք ԵՄ-ի հետ ունենալ այնպիսի հարաբերություններ, որոնց գուցե կնախանձեին անգամ ԵՄ անդամները: Եվ եթե ԵՄ-ն դրան պատրաստ է, մենք պատրաստ ենք անցնել մեր ճանապարհը»,- ասել է Լուկաշենկոն:

Բելառուս վերլուծաբանները վստահ են, որ ԵՄ-ի հետ մերձենալու մասին Լուկաշենկոյի հայտարարությունների վճռականությունն ուղղակիորեն կապված է վերջին շրջանում Ռուսաստանի հետ  բանակցություններում դրական արդյունքների բացակայության հետ: Սակայն կան կարծիքներ, որ Լուկաշենկոյի հայտարարությունները կարող են բլեֆ լինել և ուղղված ռուսական ղեկավարությանը, որը պետք է լսի և փոշմանի, որ ոտնահարում է Բելառուսի շահերը: