Ադրբեջանին միայն ռուսական տանկերը չէ, որ հարկավոր են. Независимая газета

Ռուսաստանն օգոստոսին Ադրբեջանին 30 նորագույն Т-90С տանկեր կուղարկի:  Համաձայն 2012-ին կնքված գործարքի՝  Ադրբեջանին նախատեսվում էր 100 տանկ վաճառել: Սակայն, դրանից բացի,  բանակցություններ են սկսվել Ադրբեջանի կողմից ռուսական «Бал-Э» հրթիռային համակարգերի գնման շուրջ. գրում է Независимая газета-ն «Ադրբեջանին միայն ռուսական տանկերը չէ, որ հարկավոր են» վերնագրով հոդվածում։

Ադրբեջանի պաշտպանության նախարարությունը, ըստ թերթի,  հաստատել է այդ տեղեկությունը` նշելով, որ այդ համակարգերը չէին կարող չգրավել Ադրբեջանի ուշադրությունը, քանի որ այն դեպի ծով ելք ունեցող երկիր է։

Որոշ տեղեկությունների համաձայն՝ Բաքուն և Մոսկվան բանակցում են մեկ դիվիզիոն արտադրանք գնելու շուրջ։ Այդ համակարգերի շնորհիվ Բաքուն հույս ունի ամրացնել Կասպիցի ափամերձ գոտին։