Բաքուն և Կիևը պայմանավորվել են հնարավոր էներգետիկ համագործակցության վերաբերյալ. Независимая газета

Բաքվում` Եվրամիության «Արևելյան գործընկերություն» ծրագրի անդամ երկրների արտաքին գործերի նախարարությունների ղեկավարների ոչ պաշտոնական հանդիպման ժամանակ, մի շարք հարցերի հետ մեկտեղ քննարկվել են նաև էներգետիկ ոլորտին վերաբերող հարցեր. գրում է Независимая газета-ն:

Հանդիպման ժամանակ կարծիք է հայտնվել,  որ եվրասիական տարածքներում առկա գործընթացներն  իրենց փոփոխություններն են մտցնում աշխարհի էներգետիկ քարտեզում:  Ադրբեջանի էներգետիկայի նախարար Նաթիգ Ալիևը, դրա հետ կապված, ասել է, թե պետք է ընդլայնել էներգետիկ համագործակցությունը և էներգատարների մատակարարման ուղիներն ավելի բազմազան դարձնել:

Թերթը նշում է, որ ամենաուշագրավը եղել է Ուկրաինայի էներգետիկայի և ածխարդյունաբերության նախարար Յուրի Պրոդանի հայտարարությունը, ով ասել է, որ Ուկրաինան հետաքրքրված է ադրբեջանական նավթի մատակարարմամբ իր վերամշակման գործարաններին: Սակայն դա, ըստ Պրոդանի, ապագա քննարկումների թեմա է:

Դրանով ոչ պակաս, ինչպես նշում է թերթը,   հետաքրքրված է նաև ադրբեջանական SOCAR պետական նավթային ընկերությունը, որը մտադիր է իր դիրքերն ամրապնդել  վառելիքի ուկրաինական շուկայում: