Ադրբեջանցիները հուսով են, որ Հռոմի պապի այցը կնպաստի ԼՂ հակամարտության կարգավորմանը. Независимая газета

Բաքվում ողջ թափով ընթանում են Հռոմի պապ Ֆրանցիսկոսի այցի նախապատրաստական աշխատանքները. գրում է Независимая газета-ն: Նշենք, որ այցը կկայանա հոկտեմբերի 2-ին: Ֆրանցիսկոս պապը մի շարք կարևոր հանդիպումեր կունենա:

Թերթը գրում է, որ գլխավոր հարցը, որ հուզում է ադրբեջանցիներին,  ԼՂ հակամարտությունն է: Ուստի շարքային քաղաքացիները հույս ունեն, որ Հռոմի պապի այցը կնպաստի հակամարտության կարգավորմանը, նոր իմպուլս կհանդիսանա:

Հիշեցնենք, որ օրեր առաջ Վատիկանի ներկայացուցիչ մոնսենյոր Վլադիմիր Ֆեկետեն հայտարարել է, որ կաթոլիկ եկեղեցին դեմ է պատերազմին ու կոչ է անում նմանօրինակ հակամարտությունները լուծել խաղաղ ճանապարհով: