Վրաստանը՝ արտահերթ խորհրդարանական ընտրությունների շեմին. Независимая газета

Վաղը Վրաստանի խորհրդարանում հնարավոր է արտահերթ նիստ տեղի ունենա, որը կհրավիրվի նախագահ Մարգվելաշվիլի կողմից՝ նախկինում իշխող`  «Միացյալ ազգային շարժում» կուսակցության պահանջով: Ընդդիմությունը պահանջում է բացատրել լարիի անկման և մասշտաբային ճգնաժամի սկսման պատճառները. գրում է Независимая газета-ն:

Հոդվածը կրճատումներով՝ ստորև:

«Վրաստանի հանրության շրջանում այժմ ավելի հաճախ են խոսում արտահերթ խորհրդարանական ընտրության անցկացման մասին. «Վրացական երազանքը» կորցնում է երկիրը ղեկավարելու ունակությունը:

Վրաստանում իրավիճակն, իրոք, վատացել է: Ազգային արժույթն արժեզրկվում է, գներն աճում են, և առանց այն էլ ոչ հարուստ բնակչությունն աղքատանում է: Իշխող «Վրացական երազանքի» գործունեությունը երկրում ավելի հաճախ բնութագրվում է որպես անգործություն:Ստեղծված իրավիճակից փորձում է օգտվել «Միացյալ ազգային շարժում»-ը:

Բիձինա Իվանիշվիլիի նախկին խորհրդական, հայտնի փորձագետ Գիա Խուխաշվիլին ենթադրում է, որ իրավիճակը շարունակելու է վատանալ: «Վրաստանը կախում ունի ներմուծումից, և լարիի փոխարժեքի անկումը բացասաբար է ազդելու ընկերությունների վրա, նրանք ստիպված կլինեն բարձրացնել գները»,- ասել է նա:

Իսկ հակաճգնաժամային միջոցներ իշխանությունը չի ձեռնարկում: Բացի այդ` լուրեր են պտտվում, որ վրացական պետության առաջին դեմքերի միջև հարաբերությունները շատ լարված են: Բանը հասել է նրան, որ վարչապետը, խորհրդարանի նախագահը և նախագահը գրեթե չեն շփվում միմյանց հետ: Նման պայմաններում գնալով ավելի մեծ է դառնում արտահերթ խորհրդարանական ընտրությունների հնարավորությունը:

Որոշ ասեկոսեների համաձայն՝ նման սցենարի կողմնակից է նաև Բիձինա Իվանիշվիլին, ով խիստ հիասթափված է «Վրացական երազանք»-ից»: