Ֆրանսիայի նախագահ Ֆրանսուա Օլանդը ապրիլի 24-ին՝ Հայոց ցեղասպանության 100-րդ տարելիցին, կլինի Երեւանում: Այս մասին լրագրողների հետ զրույցում հայտնել է Հայաստանում Ֆրանսիայի դեսպան Ժան-Ֆրանսուա Շարպանտիեն: Նա հիշեցրել է, որ Օլանդը հունվարի 28-ին Ֆրանսիայի հայ համայնքի հետ հանդիպման ժամանակ եւս մեկ անգամ վերահաստատել է ապրիլի 24-ին Հայաստան գալու մասին իր՝ վաղօրոք արված հայտարարությունը: