Թուրքիան աջակցում է Ուկրաինայում խաղաղության նախաձեռնություններին և հացահատիկի գործարքի վերականգնմանը

Թուրքիան աջակցում է ուկրաինական հակամարտության շուտափույթ խաղաղ կարգավորմանն ուղղված բոլոր նախաձեռնություններին։ Նա նաև նպատակահարմար է համարում հացահատիկի նախաձեռնության վերսկսումը, հայտարարել է Թուրքիայի արտգործնախարար Հաքան Ֆիդանը ուկրաինացի գործընկեր Անդրեյ Սիբիգայի հետ Անկարայում բանակցություններից հետո, գրում է ТАСС-ը։

«Մենք աջակցում ենք բոլոր քայլերին, որոնք ուղղված են արագ խաղաղության ապահովմանը և շարունակում ենք նախաձեռնությունները, որոնք ուղղված են հակամարտությունը որքան հնարավոր է շուտ դադարեցնել երկխոսության միջոցով։ Մենք նաև օգտակար ենք համարում հացահատիկի նախաձեռնության վերսկսումը։ Մենք ցանկանում ենք, որ Սեւ ծովի ավազանը դառնա համագործակցության տարածաշրջան»,- ասել է Ֆիդանը։