կարևոր
226 դիտում, 2 ժամ առաջ - 2024-10-21 12:23
Աշխարհ

Մոլդովայում նոյեմբերի 3-ին կկայանա նախագահական ընտրությունների 2-րդ փուլը

Մոլդովայում նոյեմբերի 3-ին կկայանա նախագահական ընտրությունների 2-րդ փուլը

Մոլդովայում նախագահական ընտրությունների երկրորդ փուլը կկայանա նոյեմբերի 3-ին։ Այս մասին հայտարարել է երկրի Կենտրոնական ընտրական հանձնաժողովի ղեկավար Անժելիկա Կարամանը, հայտնում է ТАСС-ը։

Նա նշել է, որ նախնական տվյալները ցույց են տալիս, որ 11 թեկնածուներից և ոչ մեկը չի ստացել ձայների 50%-ից ավելին։

«Հետևաբար, երկու շաբաթվա ընթացքում կկազմակերպվի ընտրությունների երկրորդ փուլը», - ասել է նա:

Քվեաթերթիկների 98,51%-ը մշակելուց հետո պարզվել է, որ գործող նախագահ Մայա Սանդուն ստացել է ձայների 42,07 տոկոսը, նախկին գլխավոր դատախազ Ալեքսանդր Ստոյանոգլոն, որը քննադատում է Սանդուին Մոսկվայի հետ առճակատման քաղաքականության համար, ստացել է 26,27 տոկոս։ Եռյակը եզրափակում է «Մեր կուսակցության» առաջնորդ Ռենատո Ուսատին՝ ձայների 13,72%-ով։