Պուտինը ապրիլի 24-ին կլինի՞ Թուրքիայում

ՌԴ նախագահ Վլադիմիր Պուտինի` ապրիլի 24-ին Հայաստան մեկնելու հարցը ներկա պահին քննարկվում է: Այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը. հայտնում է Интерфакс-ը: Նա նշել է, որ այդ մասին կլինի համապատասխան հայտարարություն:

Միևնույն ժամանակ, Պեսկովը նշել է, որ ՌԴ-ն բարձր մակարդակով ներկայացված կլինի Թուրքիայում նույն օրը նախատեսված` Չանաքքալեի 100-ամյակի միջոցառումներին: 

Հիշեցնենք, որ երեկ ՌԴ ԱԳՆ ղեկավար Սերգեյ Լավրովի հետ հանդիպման ժամանակ  ՀՀ ԱԳՆ ղեկավար Էդվարդ Նալբանդյանը հայտնել է, որ Պուտինի այցը Հայաստան նախատեսվում է մոտ օրերս: «Մոտ օրերս նախատեսված է ՌԴ նախագահի այցը Հայաստան՝ Ցեղասպանության 100-ամյա տարելիցին նվիրված միջոցառումներին մասնակցելու համար»,- ասել է Նալբանդյանը: