Կրեմլը նշել է Կազանում BRICS-ի գագաթնաժողովի օրակարգի հիմնական կետերից մեկը

BRICS-ի գագաթնաժողովի մասնակիցները, որը կանցկացվի Կազանում հոկտեմբերի 22-ից 24-ը, հատուկ ուշադրություն կդարձնեն ասոցիացիայի ընդլայնման հարցին, հաղորդում է Կրեմլի մամուլի ծառայությունը, գրում է rbc.ru-ն։

Նեղ և ընդլայնված ձևաչափով հանդիպումների ժամանակ BRICS-ի անդամ երկրների ղեկավարները կքննարկեն գլոբալ և տարածաշրջանային օրակարգի հարցեր, ինչպես նաև ասոցիացիայի համագործակցությունը քաղաքականության և անվտանգության, տնտեսության և ֆինանսների, մշակութային և հումանիտար շփումների ոլորտներում:

«Գագաթնաժողովի վերջին օրը կկայանա հանդիպում Outreach/BRICS plus ձևաչափով, որին կմասնակցեն գրեթե քառասուն երկրների ներկայացուցիչները», - ավելացրել են Կրեմլում:

Նրանց թվում կլինեն ԱՊՀ երկրների, Ասիայի, Աֆրիկայի, Մերձավոր Արևելքի և Լատինական Ամերիկայի ղեկավարները, ինչպես նաև միջազգային կազմակերպությունների ղեկավարները։ Հանդիպմանը հատուկ ուշադրություն կդարձվի Մերձավոր Արևելքում սրացմանը, ինչպես նաև BRICS երկրների և գլոբալ հարավի փոխգործակցությանը։

«Ռուսաստանի նախագահ Վլադիմիր Պուտինը երկկողմ հանդիպումներ կունենա գագաթնաժողովին մասնակցող գրեթե բոլոր առաջնորդների հետ»,- նշել են Կրեմլում։