Ապրիլի 1-ից Հայաստանում գազի գինը շուկայական մակարդակի կլինի

"ՙԱմեն ինչ հասկանալի է , պայմանագրային հարաբերություններ են, ապրիլի մեկից Հայաստանում գազի գինը շուկայական մակարդակի կլինի ",- Հայռուսգազարդ  ընկերության վարչության փոխնախագահ Անատոլի Պոդմիշալսկին այսպես է արձագանել  գազի սակագնի առաջիկա թանկացման վերաբերյալ լրագրողների հարցադրմանը:Նա նաև հավելել է ` ՙայլ տարբերակների մասին հնարավոր կլինի խոսել առաջիկա 2-3 ամիսներին, եթե նման բանակցություններ լինեն՚:

Անատոլի Պոդմիշալսկին այսօր ներկայացրել է Հայռուսգազարդի նոր տնօրենին` Վարդան Հարությունյանը ընկերության փոխտնօերնն էր մինչև այսօր: Նա  տնտեսագիտության թեկնածու է , աշխատանքային գործունեությունն սկսել է Աբովյանի թթխմորի գործարանից, իսկ վերջին 10 տարիներին աշխատել է Հայռուսգազարդում: Նրան ներկայացնելուց առաջ` Պոդմիշալսկին  ընկերության կոլեկտիվի աշխատանքը գնահատել է արդյունաետ. ՙ Հայռուսգազարդը դարձել է  կադրերի դարբնոց` իր շարքերում պատրաստելով Երևանի նոր քաղաքապետին՚:
Հայռուսգազարդն այսօր Հայաստանի խոշորագույն հարկատուների ցանկում առաջինն է : 

Ընկերության նախկին տնօրեն, այսօր Երևանի քաղաքապետ Կարեն Կարապետյանն ասել էր, որ սա այն ընկերությունն է,  որի ղեկավարի փոփոխությունը հեղափոխություն չի առաջացնի: