Մրցավայր ենք տանում այն ըմբիշներին, ովքեր կարող են պայքարել մեդալների համար. Արայիկ Բաղդադյան

Ըմբշամարտի հանրապետական ֆեդերացիայի նիստերի դահլիճում ազատ և հունահռոմեկան ոճի ըմբշամարտի հավաքականների մարզիչներԱրայիկ Բաղդադյանն ու Լևոն Ջուլֆալակյանը հանդիպեցին լրագրողներին: Նրանք խոսեցին սեպտեմբերի սկզբին Տաշքենդում կայանալիք աշխարհի առաջնության նախապատրաստական փուլերի մասին և հայտնեցին Տաշքենդ մեկնողների կազմերը:

Արայիկ Բաղդադյանը մասնավորապես նշեց, որ վերջին հավաքը, որ Ռուսաստանի հավաքականի հետ համատեղ անցկացրել են  Կիսլովոդսկում, շատ արդյունավետ է եղել, և աշխարհի առաջնությունից առաջ ևս մեկ հավաք էլ կանցկացնեն Տաշքենդում: Հավաքականի գլխավոր մարզիչը նշեց նաև, որ այս անգամ 5 հոգով են մասնակցելու աշխարհի առաջնության:

«Տաշքենդի աշխարհի առաջնությունը քանի որ օլիմպիական վարկանիշային չէ, ապա մրցավայր ենք տանում այն ըմբիշներին, ովքեր կարող են պայքարել մեդալների համար: 5 ըմբիշներն են՝ Գարիկ Բարսեղյանը 57, Վոլոդյա Ֆրանգուլյանը, 61, Դավիթ Սաֆարյանը, 65, Գրիգոր Գրիգորյանը, 70 և Մուսա Մուրթազալիևը, 84 »,-ասաց Արայիկ Բաղդադյանը:

Աղբյուր` Wrestling.am