Եթե հնարավոր է, իհարկե, կողմ եմ, որ էժան լինի. Լեւոն Իգիթյան

«Ես մեռա ձեզ` բոլոր ժուռնալիստներիդ խնդրելով, որ ոչ մի բան չեմ հասկանում գներից, ֆինանսներից, տրանսպորտից, դրա համար կան հանձնաժողովներ, մասնագետներ»,- Yerkir.am-ի հետ զրույցում ասաց ճարտարապետ, Երեւանի ավագանու անդամ Լեւոն Իգիթյանը, երբ փորձեցինք պարզել նրա տեսակետը տրանսպորտի թանկացման վերաբերյալ:

Իգիթյանը նշեց, որ ինքը քաղաքապետարանում միայն մշակութային եւ ճարտարապետության խնդիրներով է զբաղվում. «Այդ ոլորտների հետ կապված` ուզում եք գիշերվա 4-ին զանգ տվեք, խոսենք»:

Մեր դիտարկմանը, թե որպես արվեստագետ ենք ցանկանում նրա դիրոքորոշումն իմանալ, Իգիթյանը պատասխանեց. «Արվեստագետի կարծիքն ինչի՞դ է պետք, եւ հետո` ես փողոցային միտինգներով չեմ զբաղվում ու չեմ մասնակցում»:

Հարցին, թե, վերջիվերջո, ի՞նչ է կարծում` արդյո՞ք թանկացումը տեղին էր, Իգիթյանը պատասխանեց. «Եթե հնարավոր է, իհարկե, կողմ եմ, որ էժան լինի»: