25 տարի ճառ ասողները շատ գործեր են կուտակել. Իգիթյան

Կենտրոն համայնքի բնակիչների հետ հանդիպման ժամանակ Երեւանի ավագանու ՀՀԿ համամասնական ցուցակի 10-րդ հորիզոնականը զբաղեցնող Լեւոն Իգիթյանը հայտարարեց, որ հպարտ է, որ այս թաղի բնակիչ է:

Նա հայտարարեց, որ առանց երեւանցիներին հարցնելու Երեւանը դարձրել են քաղաքական վարժությունների դաշտ, սեր են խոստովանում երեւանցիներին` մոռանալով մի պարզ բան, որ երեւանցին էլ պետք է սեր ցուցաբերի: Իգիթյանի կարծիքով` արհեսատականորեն ստեղծված քաղաքական փոթորիկները արդյունավետ չեն եւ ոչ մի արդյունք չեն տալիս: Նա հայտարարեց, որ շատ երջանիկ է, որ ընդգրկվել է ավագանիում:

«Մտա էդ ծանր գործի մեջ եւ նոր հասկացա, թե այս 25 տարվա ընթացքում ճառեր ասողներն ինչքան գործ են կուտակել, գործը թողած ճառեր են ասել: Քարեր շաղ տալուն վերջ տանք»,- հայտարարեց Իգիթյանը:

Իր ելույթում գործող քաղաքապետ, ՀՀԿ համամասնական ցուցակը գլխավորող Տարոն Մարգարյանն էլ հայտարարեց, որ այս ընթացքում փորձել են երեւանցիների մատի փուշը հանել, նրանց դարդ ու ցավով ապրել: