Տեր-Պետրոսյանը չի հեռացել քաղաքականությունից. Հովհաննես Իգիթյան

Ցանկացած մարդ, եթե ՀՀԿ-ն որոշեր, որ պետք է դառնա նախագահ, կդառնար նախագահ. լրագրողների հետ հանդիպման ժամանակ հայտարարեց ՀՀՇ վարչության անդամ Հովհաննես Իգիթյանը:

«Ուզեր՝ Դուք կդառնայիք: Ցանկացած օլիգարխ, փողոցից վերցրած մեկը: Իսկ մեր նպատակը երբեք չի եղել Բաղրամյան 26-ում մեկին նստացնելը»,- դիմելով իր հետ բանավիճող ՀՀԿ պատգամավոր Արտակ Զաքարյանին՝ ասաց նա:

Ըստ Հովհաննես Իգիթյանի` Լեւոն Տեր-Պետրոսյանը չի հեռացել քաղաքականությունից: «Ես էլ չեմ առաջադրվել: Դա չի նշանակում, որ ես հեռացել եմ քաղաքականությունից»,- նշեց նա:

Լրագրողները հետաքրքրվեցին, թե ինչո՞ւ Լեւոն Տեր-Պետրոսյանը հայտարարեց, որ իր մանդատը տալիս է Հրանտ Բագրատյանին, իսկ հիմա չի աջակցում նրան: Հովհաննես Իգիթյանը պատասխանեց, որ Հրանտ Բագրատյանը աջակցության կարիք չունի, պրոֆեսիոնալ է:

Հարցին, թե ինչո՞ւ ՀԱԿ-ը չբոյկոտեց նախագահական ընտրությունները,  նա պատասխանեց. «Հայաստանում բոյկոտի փորձ ունի միայն ՀՀՇ-ն: Բոյկոտը շատ ավելի դժվար է, քան անցկացնել միայն քո թեկնածուին: Բոյկոտը միայն առաջադրվելը չէ: Դա նշանակում է, որ դու այնքան ուժ ունես, որ համոզես հասարակության մեծամասնությանը, որ ակտիվ ձեւով չմասնակցելը կարող էր փրկել իրավիճակը»: