Մտավորականը հո դանակ սրողի նման չպե՞տք է փողոցներում ֆռֆռա. Լևոն Իգիթյան

Հիմա ոչ ոք չի տարբերում` մտավորականը ո՞րն է: Նա, ով բարձրագույն կրթություն ունի, Գուչի-մուչի է հագնում, ասում են` մտավորական. լրագրողների հետ հանդիպման ժամանակ նշեց ճարտարապետ Լևոն Իգիթյանը:

Նրա կարծիքով` նոր ձևավորվող կառավարությունը նախ պետք է մտավորականի և ոչ մտավորականի տարբերությունը տեսնի, և եթե տեսնի` մտավորականությանը պետք է մի քիչ ավելի շատ հաշվի առնի:

«Երբեմն ասում են` ինչո՞ւ է մտավորականությունն իրեն հեռու պահում երկրի անցուդարձից: Այ մարդ, հեռու չենք պահում, մենք մեր գործն ենք անում, հո դանակ-մկրատ սրողների պես փողոցում չենք ֆռֆռալու ու հարցվելու` մեր կարիքը չունե՞ք: Եթե կառավարությունը մեր կարիքն ունենա` կդիմի մեզ»,- ասաց Իգիթյանը` հավելելով, որ եթե հետ նայենք` կտեսնենք, որ բոլոր ժամանակներում թագավորների կողքին մտավորականներ կային, որոնցից էլ խորհուրդ էր հարցնում թագավորը: