Սիրիան ռմբակոծելուց հետո Բայդենը Իրանին խորհուրդ է տվել «զգույշ լինել»

ԱՄՆ նախագահ Ջո Բայդենը Իրանին խորհուրդ է տվել «զգույշ լինել» Սիրիայում ամերիկյան ռմբակոծություններից հետո: Այս մասին հայտնում է ՌԻԱ «Նովոստի»-ն:

«Զգուշացեք»,- ասել է Բայդենը` ի պատասխան հարցին, թե, Սիրիան ռմբակոծելով, ինչ ազդանշան է ուզում ուղարկել Իրանին:

Ավելի վաղ հայտնի էր դարձել, որ ԱՄՆ-ն ավիահարված է հասցրել Սիրիայում Իրանի զինված ուժերի թիրախներին: Այս որոշումը հաստատվել է ԱՄՆ նախագահ Ջո Բայդենի կողմից: Պենտագոնը հաստատել է տեղեկությունը՝ նշելով, որ հարվածը պատասխան է Իրաքում ամերիկյան օբյեկտների վրա վերջերս իրականացված հարձակումների:

Հիշեցնենք, որ ՌԴ ԱԳՆ ղեկավար Սերգեյ Լավրովը հայտարարել էր, որ ՌԴ-ն ԱՄՆ-ից ստացել էր հարձակման մասին տեղեկությունը, որից հետո ԱՄՆ պետդեպը ողջունել էր ՌԴ-ի այդ հայտարարությունը։