«Սիրիան քիմիական զենք չունի». պաշտոնական Սիրիան հերքում է տարածել

Մարդու իրավունքների սիրիական դատարանը հաղորդել էր, որ Սիրիայի Իդլիբ նահանգի Խան Շեյխուն շրջանում թունավոր գազերի օգտագործման հետևանքով տասնյակ զոհեր են գրանցվել, այդ թվում՝ 11 երեխա:

Ըստ «Գանձասար»-ի՝ սիրիական բանակի հրամանատարությունը պաշոնապես հերքել է Սիրիայում ճգնաժամի հրահրման նպատակով հրապարակված լուրերը, թե Սիրիան քիմիական նյութեր է օգտագործել Խան Շեյխունի ռմբակոծության ընթացքում: Հրամանատարությունը նշել է, որ ահաբեկիչներին հովանավորող կողմերն իրենց ապատեղեկատվական արշավը ձախողել են այնպես, ինչպես ձախողել են որևէ հաղթանակ արձանագրելը:

Սիրիայի ԱԳ նախարարությունն իր հերթին վերահաստատել է բանակի հրամանատարության հայտարարությունը՝ նշելով, որ Սիրիայի բանակը նման քայլերի չի դիմի և ընդհանրապես քիմիական զենք չունի: