«Լրագրողներ առանց սահմանների» կազմակերպությունը դարձյալ քննադատել է Ադրբեջանին՝ լրագրողի ձերբակալության համար

«Լրագրողներ առանց սահմանների» միջազգային ոչ կառավարական կազմակերպությունը քննադատել է Ադրբեջանին «Ազադլըգ» թերթի լրագևրող Սաադաթ Ջահանգիրի անհիմն ձերբակալության համար. հայտնում է «Թուրան» գործակալությունը։

Թվիթերում տեղ գտած հրապարակման մեջ նշվում է, որ դատախազության աշխատակիցները չեն թույլատրել լրագրողուհում փաստաբան կանչել և զանգահարել հարազատներին։

ԼԱՍ-ը նաև ահազանգում է, որ դատախազության աշխատակիցները գազի արտահոսքի պատճառաբանությամբ ներխուժել են բնակարան՝ ձևանալով թե գազի աշխատակիցներ են։ Նրանք ապօրինի խուզարկություն են իրականացրել, առգրավվել են համակարգիչը, հեռախոսը և գումարները, որոնք այդպես էլ հետ չեն վերադարձվել։

Կազմակերպությունը կոչ է անում դադարեցնել այդ ապօրինի գործողությունները և հիշեցնում են, որ ապրիլի 28-ին Ջահանգիրը դարձյալ ձերբակալվել էր, հարցաքննվել և տուգանվել կարանտինային ռեժիմը խախտելու համար, երբ գնում էր հարցազրույց վերցնելու։