«Լրագրողներ առանց սահմանների» կազմակերպությունը Էրդողանին ներառել է մամուլի ազատության թշնամիների ցուցակում

«Լրագրողներ առանց սահմանների» հայտնի կազմակերպությունն այսօր՝ Լրագրողների նկատմամբ հանցագործությունների անպատժելիության դեմ պայքարի օրը, Թուրքիայի նախագահ Էրդողանին ներառել է մամուլի ազատության թշնամիների ցուցակում:

Ըստ Demokrathaber-ի՝ կազմակերպության բնորոշմամբ՝ Էրդողանը 2009 թվականից ի վեր մամուլի ազատության թշնամին է:

«Թշնամիների» ցուցակում են նաև մամուլի ազատության դեմ գործող, գրաքննության, ձերբակալությունների, բռնությունների և  սպանությունների դիմող 35 նախագահ, քաղաքական գործիչ, կրոնական առաջնորդ, ինչպես նաև հանցախմբերի ղեկավարներ:

Ըստ կայքի՝ Էրդողանից բացի, մամուլի ազատության թշնամիների ցուցակում են` ՌԴ նախագահ Վլադիմիր Պուտինը, Սիրիայի նախագահ Բաշար Ասադը, Եգիպտոսի նախագահ Սիսին, ինչպես նաև ԻՊ-ը: