Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
53 տարեկանում կյանքից հեռացել է «Լրագրողներ առանց սահմանների» (RSF) միջազգային կազմակերպության գլխավոր քարտուղար Քրիստոֆ Դելուարը. պատճառը ծանր հիվանդությունն է, գրում է dw.com կայքը։
«Մենք ցնցված և ապշած ենք վաղաժամ մահից», – ասել է «Լրագրողներ առանց սահմանների» կազմակերպության գերմանական բաժնի ղեկավար Անյա Օստերհաուսը:
Նա նշել է, որ Դելուարը կազմակերպությունը դարձրել է «ապագայի համար պիտանի» այն ժամանակ, երբ ապատեղեկատվությունը և լրագրողների վրա հարձակումներն ավելի ու ավելի են սպառնում մամուլի ազատությանը, իսկ բռնապետությունները փորձում են ճնշել ազատ լրատվամիջոցները:
«Մենք խորապես երախտապարտ ենք մամուլի ազատությանը նրա անխոնջ նվիրվածության համար», – հավելել է նա:
Քրիստոֆ Դելուարը դարձել է «Լրագրողներ առանց սահմանների» կազմակերպության ղեկավարը 2012թ. 2018-ին նա հիմնադրել է «Տեղեկատվության և ժողովրդավարության ֆորում» նախաձեռնություն, որը պաշտպանում է օրենքի գերակայությունը և ազատ մամուլը՝ որպես յուրաքանչյուր ժողովրդավարության հիմք:
Քրիստոֆ Դելուարը ղեկավարել է կազմակերպությունը 12 տարի։