Ադրբեջանը ոչ թե «կրակի», այլ ճնշման երկիր է. «Լրագրողներ առանց սահմանների»

«Լրագրողներ առանց սահմանների» կազմակերպությունը հոդված է հրապարակել «Ատլետիկո Մադրիդ»-ի մասին, որում խիստ քննադատության է ենթարկել Ադրբեջանի նախագահ Իլհամ Ալիևին:

En.rsf-ի հոդվածում, մասնավորապես, նշվում է, որ Ադրբեջանն է հովանավորում «Ատլետիկո Մադրիդ»-ին: Կայքի հոդվածագիրը հիշեցնում է, որ «Ատլետիկո Մադրիդ»-ի համազգեստների վրա գրված գովազդը, թե իբր Ադրբեջանը «կրակի երկիր» է, գործնականում «ճնշման երկիր է»:

Կայքը մտահոգություն է հայտնել, որ միլիոնավոր ֆուտբոլասերներ, ովքեր մայիսի 24-ին նայելու են UEFA-ի առաջնության եզրափակիչը, խաբվելու են:

«Այդ կովկասյան հանրապետությունը ազատության ցուցանիշներով 180 երկրների մեջ զբաղեցնում է 160-րդ տեղը և այդ երկրի նախագահը՝ Իլհամ Ալիևը, մամուլի ազատության գիշատիչ է, ով հիմնովին վերացրել է բազմակարծությունն իր երկրում»,- գրել է կայքը: