Փաշինյանն ու Ալիևը պատրաստվում են ձեռքսեղմման. Независимая газета

Ռուսական Незавсимая газета-ն հոդվածով անդրադարձել է ԵԱՀԿ ՄԽ համանախագահների վերջին հայտարարությանը, որում խոսվում է ՀՀ վարչապետ Նիկոլ Փաշինյանի ու Ադրբեջանի ղեկավար Իլհամ Ալիևի սպասվելիք հանդիպման մասին:

«Բաքուն և Երևանը միակարծիք էին այն հարցում, որ բարձր մակարդակով հանդիպումներն իմաստ ունեն այն դեպքում, եթե կողմերը մոտ են հստակության: Հակառակ դեպքում` դա ժամանակի անիմաստ կորուստ է»,- նշում է հոդվածագիրը:

Ըստ նրա` հաշվի առնելով վերոհիշյալը` կարելի է ենթադրել, որ Փաշինյանն ու Ալիևը պատրաստ են զիջումների:

Նշվում է, որ ԵԱՀԿ ՄԽ համանխագահների հայտարարությունից պարզ է դառնում, որ բանակցային սեղանին դեռ դրված են Մադրիդյան սկզբունքները, որոնք Երևանը և Բաքուն պատրաստ են ընդունել մասնակիորեն և սեփական մեկնաբանմամբ:

«Մինչ օրս ադրբեջանական կողմը պնդում էր, որ պետք է տեղի ունենա ծրագրի փուլային իրականացում` ԼՂ-ի կարգավիճակի հարցը հետաձգելով, իսկ Հայաստանը հանդես էր գալիս  այդ դրույթների փաթեթային ընդունման օգտին: Փոխվե՞լ է, արդյոք, ինչ-որ բան երկու առաջնորդների դիրքորոշման մեջ, հայտնի չէ, և որոշակի հստակություն կարող է լինել միայն բանակցություններից հետո, որոնք ինքնին օգտակար են: Թեկուզ այն պատճառով, որ Փաշինյան-Ալիև մի քանի հանդիպումներից հետո լարվածությունը շփման գծում նվազել է: Դա ընդունում են նաև ԵԱՀԿ ՄԽ համանախագահներն իրենց հայտարարությունում»,- ասվում է հոդվածում: