Ալիևը դարձյալ փրկեց Լուկաշենկոյին. Независимая газета

Որոշ լրատվամիջոցների տեղեկությունն այն մասին, որ Բելառուսի նախագահ Ալեքսանդր Լուկաշենկոն Բաքու էր մեկնել նավթի համար, հաստատվել է: Այդ հարցը բարձրացվել է Ադրբեջանի նախագահ Իլհամ Ալիևի հետ նրա բանակցությունների ընթացքում. գրում է «Независимая Газета»-ն:

«Բելառուսը պատրաստ է համագործակցել Ադրբեջանի հետ նավթային ոլորտում երկարաժամկետ հեռանկարով: Դուք առաջին անգամ չէ, որ աջակցել եք մեզ, սակայն դա միանգամյա աջակցություն է եղել: Ես հասկանում եմ, որ նավթ արտադրողը պետք է ռազմավարություն ունենա: Մենք պատրաստ ենք այդ առումով այնքան հեռու գնալ, որքան դա բխում է Ադրբեջանի շահերից»,-ընդգծել է Լուկաշենկոն Բաքվում:

Թե ինչ է  Լուկաշենկոյին կոնկրետ պատասխանել Ադրբեջանի նախագահ Իլհամ Ալիևը, ադրբեջանական պաշտոնական աղբյուրները չեն հայտնում, սակայն կարելի է եզրակացնել, որ Բաքուն պատրաստ է դիտարկել այդ առաջարկությունները: Դա է վկայում Իլհամ Ալիևի հետևյալ հայտարարությունը. «Մեր փոխգործակցության` հարաբերականորեն նոր ուղղություն է էներգետիկայի ոլորտում համագործակցությունը: Եվ այստեղ նույնպես տրված են համապատասխան ցուցումներ, որպեսզի այդ համագործակցությունը դառնա երկարաժամկետ ու կայուն, քանի որ նավթային օպերացիաների և նավթի արտահանման ոլորտում, իհարկե, հարկավոր են երկարաժամկետ մատակարարումներ»: