Վրաստանի ընդդիմադիր կուսակցությունը պատրաստվում է պայմանավորվածություններ ձեռք բերել Մոսկվայի հետ. Независимая газета

«Վրաստանի հայրենասերների ալյանս» ընդդիմադիր կուսակցության պատվիրակությունը պատրաստվում է երկրորդ անգամ այցելել Մոսկվա: Այցը հնարավոր է կայանա հոկտեմբերի 1-5-ը. գրում է Независимая газета-ն:

Ռուսաստանի մայրաքաղաքում «հայրենասերները» պատրաստվում են հանդիպումներ ունենալ Պետդումայում և Դաշնային խորհրդում, որոնց ընթացքում քննարկելու են Վրաստանի տարածքային ամբողջականության և «Վրաստան-ՆԱՏՕ-Ռուսաստան» քաղաքական ձևաչափի ստեղծման հետ կապված հարցեր:

Վրաստանում, միևնույն ժամանակ, կուսակցության 17 անդամ հացադուլ է հայտարարել և չի պատրաստվում դադարեցնել այն, մինչև իշխանությունների կողմից իրենց պահանջները չկատարվեն: Իշխանություններին ներկայացված պահանջները, ինչպես ասել է կուսակցության առաջնորդ Իրմա Ինաշվիլին, երեք ուղղությամբ է` սահմանադրական բարեփոխման իրականացում, Մոսկվայի հետ երկխոսության անհապաղ մեկնարկ, «Վրաստան-ՆԱՏՕ-Ռուսաստան» հանձնաժողովի ստեղծում: