Հայտնի է Յուվեցի Կարոյի փեսայի մահվան պատճառը

Նախկին պատգամավոր Կարո Կարապետյանի փեսայի` Գոռ Առաքելյանի դիակի դատաբժշկական եզրակացությամբ հիմնավորվել է, որ նա մահացել է գլխուղեղի կենսական կարեւոր ֆունկցիաների սուր խանգարումից: Այս տեղեկությունը Yerkir.am-ի հետ զրույցում հաստատեց ՀՀ քննչական կոմիտեի նախագահի խորհրդական Սոնա Տռուզյանը:

Դիակի դատաբժշկական փորձաքննության եզրակացության համաձայն` Առաքելյանը մահացել է գլխուղեղի արյան շրջանառության սուր խանգարումից՝ կիսագնդերի հարփորոքային շրջանների իշեմիկ ինսուլտից:

Հիշեցնենք, որ Գոռ Առաքելյանի դին հայտնաբերվել էր այս տարվա հունվարի 27-ին Հրազդանի կիրճում գտնվող «Նաբերեժնի» հյուրանոցային համալիրի սենյակներից մեկում:

Նաև` 2015թ. հոկտեմբերի 21-ին Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Գագիկ Պողոսյանի վճռով՝ Գոռ Առաքելյանը դատապարտվել էր վեցուկես տարվա ազատազրկման, սակայն 2017թ. մայիսի 3-ին նա ազատվել էր պատժի հետագա կրումից: