Դատարանը կալանավորեց Յուվեցի Կարոյի փեսային

Երևանի Կենտրոն և Նորք-Մարաշ վարչական շրջանների ընդհանուր դատարանը քիչ առաջ երկու ամսով կալանավորեց «Վերնիսաժ»-ում կրակոցների գործով անցնող Գոռ Առաքելյանին: Նա տեղափոխվել է Նուբարաշենի բանտ: Այս մասին հայտնում է shamshyan.com-ը:

Ոստիկանության քննչական գլխավոր վարչության Երևանի քննչական վարչության Կենտրոնի քննչական բաժնի քննիչ Աշոտ Մինասյանը միջնորդել էր նշված դատարանին, որպեսզի որպես խափանման միջոց Գ. Առաքելյանին 2-ամսյա կալանքի վերցնի:

Yerkir.am-ն արդեն հայտնել է, որ Գոռ Առաքելյանի նկատմամբ մեղադրանք է առաջադրվել ՀՀ Քրեական օրենսգրքի 34-104 հոդվածի 2-րդ մասով և 235 հոդվածի 1-ին մասի հատկանիշներով: 

Գոռ Առաքելյանը ԱԺ ԲՀԿ-ական պատգամավոր Կարո Կարապետյանի (Յուվեցի Կարո) փեսան է` դստեր ամուսինը: