Անձի փոփոխության դեպքում էլ այս ծրագրով պետք է ուղղորդվել. նախարար

Տրանսպորտի, կապի և ՏՏ նախարար Վահան Մարտիրոսյանն այսօր ԱԺ-ում լրագրողներին ասաց, որ կառավարության ներկայացրած ծրագիրը թիմային է: Նրա խոսքով՝ հետագայում եթե անձի փոփոխություն լինի, հնարավոր է այս ծրագրոմ փոփոխություններ արվեն, բայց, նախարարի կարծիքով, այս ծրագիրը դրական է, ուստի փոփոխություններ անելու դեպքում էլ պետք է այս ծրագրով ուղղորդվել:

Հարցին՝ վստահ չէ՞, որ Կարեն Կարապետյանը 2018-ից հետո կնշանակվի վարչապետ, Վահան Մարտիրոսյանը պատասխանեց. «Իմ վստահությունը չէ, որ պետք է լինի, բայց վարչապետն այսօր նշեց»:

Հարցին՝ գուցե ծրագիր լավն է, բայց եթե մարդիկ փոխվեն, կատարողները լավը չլինեն, հնարավո՞ր է ծրագրի իրականացումը տուժի դրանից, նախարարը պատասխանեց, թե միշտ լավից լավն է լինում, ապա հավելեց. «Մի' մտածեք, որ վատն է լինելու, բոլորն էլ լավն են: Եթե կառավարության ինչ-որ անդամ փոխվի, ուրեմն կնշանակի, որ նա իր պարտականությունները լավ չի կատարել, իսկ դա ավելի լավ է, ուրեմն ավելի լավ կիրականացվի ծրագիրը»: