Հետաքննության կարիք ունի. Վահրամ Բաղդասարյանը` անորակ նավթամթերքի մասին

Այսօր խորհրդարանական ճեպազրույցներում ՀՀԿ խմբակցության ղեկավար Վահրամ Բաղդասարյանը լրագրողների խնդրանքով անդրադարձավ կառավարության հետ վերջին հարցուպատասխանի ժամանակ վարչապետի սկանդալային խոստովանությանը:

Հիշեցնենք, որ Նիկոլ Փաշինյանը վարչապետին հարց էր ուղղել կերոսինի մաքսազերծման դժվարությունների մասին: Վարչապետն էլ պատասխանել էր, որ կան խնդիրներ, որովհետև կերոսինի հետ ինչ-որ բան են խառնում` ստանալով անորակ նավթամթերք, ինչի պատճառով էլ ապրիլյան պատերազմի ժամանակ ռազմական տեխնիկայի որոշ միջոցներ խափանումներով են աշխատել:

Վահրամ Բաղդասարյանը նշեց, որ իրենք, իհարկե, լսել են վարչապետի այդ պատասխանը: «Եթե կան նման դեպքեր, դա հետաքննության կարիք ունի, և իրավապահները դրա պատասխանը կտան»,- ասաց նա: