ԲՀԿ-ական պատգամավորները խոր անորոշության մեջ են

ԲՀԿ-ում անորոշությունը հասել է գագաթնակետին` ԲՀԿ հիմնադիր Գագիկ Ծառուկյանի հայտարարության սպասմանը զուգահեռ: Հիշեցնենք, որ Գագիկ Ծառուկյանի` քաղաքականությունից հեռանալուց հետո ԲՀԿ-ն տրոհվեց առանձին կուսակցությունների, մի քանի պատգամավորներ դուրս եկան ԲՀԿ-ից, նրանցից մի քանիսը մտածում են ՀՀԿ ցուցակում ընդգրկվելու մասին:

Yerkir.am-ը փորձեց պարզել, թե ԲՀԿ պատգամավորների մոտ կա՞ որոշակիություն ընտրություններին իրենց մասնակցության վերաբերյալ: Միայն Արայիկ Աղաբաբյանն էր,  որ հստակ որոշում ունի` մասնակցել ընտրություններին` ընդգրկվելով ԲՀԿ ցուցակում: Մնացածները խոր անորոշության մեջ են: Մասնավորապես` Արա Արամյանը նշեց, որ 10 օրից պարզ կդառնա իր մասնակցության հարցը: Վահագն Մախսուդյանն էլ ասաց, որ իր մասնակցության հարցը պարզ չէ, իսկ եթե մասնակցի, ապա` ԲՀԿ ցուցակով: Բազմասեր Առաքելյանը, Հայկ Խաչատրյանը, որոնք դուրս եկան ԲՀԿ-ից, դեռ չունեն հստակություն` մասնակցելո՞ւ են առաջիկա խորհրդարանական ընտրություններին, թե՞ ոչ: Մերուժան Սիմոնյանը խոստացավ պատասխանել մեկ շաբաթից, Արշակ Մխիթարյանն ու Ռուստամ Գասպարյանը որոշում չեն կայացրել ու չեն բացառում իրենց չմասնակցելու տարբերակը: Մելիք Մանուկյանը նշեց, որ եթե մասնակցի, ապա կընդգրկվի ԲՀԿ ցուցակում:

Հստակ է, որ ԲՀԿ բոլոր պատգամավորները սպասում են Գագիկ Ծառուկյանի` քաղաքականություն վերադառնալու հայտարարությանը, ուստի` ԲՀԿ ցուցակում իրենց ընդգրկվելու որոշմանը: