Վթարի ենթարկված ինքնաթիռի անձնակազմի անդամների հարազատներն անորոշության մեջ են

Հարավային Սուդանում վթարի ենթարկված բեռնատար ինքնաթիռի անձնակազմի անդամների հարազատներն անորոշության մեջ են:

Yerkir.am-ի տեղեկություններով՝ հարազատները Քաղավիացիայի վարչությունից և ԱԳՆ-ից փորձում են ճշտել, թե ինչ վիճակում են դիակները, և արդյոք պետությունը քայլեր ձեռնարկում է ՝ զոհվածների աճյունները Հայաստան տեղափոխելու հարցով: Սակայն մինչ այժմ այդ կապակցությամբ որևէ տեղեկություն չկա:

 Ավելի վաղ ՀՀ ԱԳՆ-ն հրապարակել էր զոհվածների անունները`հրամանատար Գեւորգ Թովմասյան, երկրորդ օդաչու Սամվել Համբարձումյան, բորտ-ինժեներ Սամվել Մկրտչյան, ավիատեխնիկ Արմեն Անտոնյան, ավիատեխնիկ Սուրեն Պետրոսյան:

Yerkir.am-ի տեղեկություններով՝ անձնակազմի 5 անդամները նախկինում թռիչքներ են իրականացրել Երևանում տեղակայված Էրեբունի օդանավակայանում: Օդանավի անձնակազմի հրամանատար Գևորգ Թովմասյանը նախկինում ռազմական օդաչու է եղել: