Հեքիաթը, որ կապված էր Կարեն Կարապետյանի անվան հետ, քանդվեց. Արամ Մանուկյան

Այսօր ԱԺ արտահերթ նիստում, ուր քննարկվում էր «Կուսակցությունների մասին» օրենքում փոփոխություններ անելու հարցը, ելույթ ունեցավ ՀԱԿ խմբակցության քարտուղար Արամ մանուկյանը: Նա նշեց, որ քանի որ վերջերս մոդայիկ է դարձել խորհուրդ տալը, քանի որ ՀՀԿ նախագահը յոթ խորհւրդ տվեց հանրապետականներին: Մանուկյանն էլ խորհուրդ տվեց ՀՀԿ-ականներին օրվա մեջ գոնե մեկ անգամ տաքսի նստել, ու կիմանան, թե ինչ են մտածում մարդիկ ՀՀԿ-ի մասին:

Նա նշեց, որ «Կուսակցությունների մասին» օրենքում նշվում է կամավորության մասին, մինչդեռ` վարչապետ ու նախարարներ դառնալուց հետո այդ մարդիկ որոշեցին դառնալ ՀՀԿ-ական, դա ինչպե՞ս եղավ, նրանք պայծառատե՞ս դարձան:

«50-60 տարեկան տղամարդը դառնում է կուսակցական` այդ տարիքում: Ո՞ւմ համար պարզ չէ, որ եթե այդ մարդիկ վարչապետ ու նախարարներ չնշանակվեին, ՀՀԿ-ական չէին դառնա, ո՞ւմ համար պարզ չէ, որ այստեղ աշխատել է կոնյունկտուրան: Ժողովուրդն ասում է՝ կրոնն ընդունեցին: Այն հեքիաթը, որ կապված էր Կարեն Կարապետյանի անվան հետ, քանդվեց, այն այլևս չկա»,- ասաց Արամ Մանուկյանը `թվարկելով վարչապետերի անուններ, որոնք չեն եղել կուսակցական վարչապետ աշխատելու ժամանակ:

Պատգամավորը տարակուսեց, որ անգամ ուժային կառույցների ղեկավարներն են դառնում կուսակցական, այնինչ` պետք է ձեռնպահ մնային կուսակցական լինելուց: