Գեներալի ՛՛բեռլինյան պատը՛՛ քանդվեց

«Էջմիածնի Արշալույս գյուղում շաբաթ օրը ցնծություն էր՝ քանդվում էր «Բեռլինի պատը»: Գյուղացիների ու իրավապահների բազմությունը բացում էր այն ճանապարհը, որը գեներալ Մանվելն ու իր որդին՝ Էջմիածնի քաղաքապետ Կարեն Գրիգորյանը, տարիներ շարունակ փակել էին, որպեսզի իրենց տան մոտով երթեւեկություն չլինի: Ճանապարհի այդ հատվածում հողապատնեշ էին սարքել, որը խոչընդոտում էր երթեւեկությանը: Սակայն շաբաթ օրը գեներալի եղբորորդին՝ Արշալույսի գյուղապետ Զարզանդ Գրիգորյանը, «քաջություն ու կամք» դրսեւորեց՝ դուրս գալու հորեղբոր ընտանիքի դեմ»,- գրում է «Հրապարակ»-ը եւ հիշեցնում, որ գյուղապետն ԱԺ պատգամավոր Հրանտ Գրիգորյանի եղբայրն է, եւ վերջիններս թշնամական հարաբերություններ ունեն հորեղբոր ընտանիքի հետ:

Թե ինչպես ստացվեց, որ գեներալի արգելափակոցը համարձակվեցին փլուզել, լրագրողը փորձել է ճշտել գյուղապետ եւ պատգամավոր եղբայրներից: Հրանտ Գրիգորյանը խոստացել է 10 րոպեից զանգել ու հարցերին պատասխանել, սակայն հեռախոսն անջատելուց հետո ողջ որը դարձել է անհասանելի: