Սոցփաթեթներից հանվեց հանգստի ֆինանսավորումը

Այսօր կառավարության նիստում ֆինանսների փոխնախարար Պավել Սաֆարյանը ներկայացրեց 2017-2019 թվականների պետական միջ­­­նա­­ժամկետ ծախսերի ծրագիրը հաստատելու մասին հարցը: Վարչապետը բոլորի ուշադրությունը հրավիրեց սոցփաթեթների հետ կապված չարաշահումներին:

«Իմ հանձնարարությամբ` այս ոլորտում ուսումնասիրություններ է իրականացրել վարչապետի վերահսկողական ծառայությունը, այժմ ՎՊ-ն է զբաղվում դրանով: Ֆինանսների նախարարությունն այս պետական միջնաժամկետ ծախսերի ծրագրում առաջարկել է ռադիկալ լուծում` սոցփաթեթում թողելով միայն առողջապահության բաղադրիչի ֆինանսավորումը: Կարծում եմ` հարկ է ոչ թե կրճատել, այլ ժամանակավորապես կասեցնել միայն հանգստի բաղադրիչը: Հանձնարարում եմ էկոնոմիկայի, ֆինանսների, աշխատանքի ու սոցիալական հարցերի նախարարություններին` սոցփաթեթների հանգստի բաղադրիչը լրամշակել այնպես, որ չարաշահումների խնդիրը վերացվի, և առաջարկությունները ներկայացնել կառավարության քննարկմանը»,- ասաց Հովիկ Աբրահամյանը: