Բռնցքամարտի աշխարհի առաջնություն.Արամ Ամիրխանյանը և Արամ Ավագյանը մեկնարկել են հաղթանակով

Ղազախստանի մայրաքաղաք Աստանայում ընթացող Բռնցքամարտի աշխարհի առաջնությունում հայ բռնցքամարտիկ Արամ Ամիրխանյանը (69 կգ) մեկնարկային մենամարտում հաղթել է իսրայելցի Արտյոմ Մասիլինին` 3 : 0 հաշվով:

56 կգ քաշային Արամ Ավագյանը 1/32 եզրափակչում 3:0 հաշվով պարտության է մատնել անգլիացի Գամալ Յաֆային: Տեղեկացնենք, որ Արթուր Քիրաջյանը և Կորյուն Սողոմոնյանը պարտվել էին մեկնարկային մենամարտերում, համապատասխանաբար` Եվգենի Դոգալյավեցին և Դավիդ Ռոդրիգեսին (1:2):

75 կգ քաշային Արման Հովիկյանն առաջին մենամարտը կանցկացնի այսօր: 52 կգ քաշային Նարեկ Աբգարյանը պայքարի մեջ կմտնի վաղը` հոկտեմբերի 18-ին ,իսկ 60 կգ քաշային Հովհաննես Բաչկովը` հոկտեմբերի 20-ին: