Բռնցքամարտի աշխարհի առաջնություն. Հովհաննես Բաչկովը դուրս եկավ հաջորդ փուլ, Արամ Ավագյանը պարտվեց

Քաթարի մայրաքաղաք Դոհայում ընթացող բռնցքամարտի աշխարհի առաջնությունում այսօր ռինգ դուրս եկան Հայաստանը ներկայացնող Հովհաննես Բաչկովն ու Արամ Ավագյանը: 64 կգ քաշային Հովհաննես Բաչկովը 3 ռաունդներում էլ առավելության հասավ կորեացի Լիմ Հյունչուլի նկատմամբ և դուրս եկավ հաջորդ փուլ, իսկ 56 կգ քաշային Արամ Ավագյանը 3 ռաունդներում էլ պարտվեց Բաքվի Եվրոպական խաղերի փոխչեմպիչոն, Բելառուսիան ներկայացնող Ասանաու Դմիտրիին: 1/8 եզրափակիչ փուլում Հովհաննեսը կմրցի Թուրքմենստանը ներկայացնող Ազիզ Բեբիտովի հետ: Մենամարտը տեղի կունենա հոկտեմբերի 8-ին:
Հայաստանի 3-րդ պատվիրակը՝ Կորյուն Սողոմոնյանը ռինգ դուրս կգա վաղը: Մեր մարզիկի մրցակիցը 1/16-րդ փուլում կլինի Պապուա Նոր Գվինեան ներկայացնող Կիամա Չարլզը: