Աշխարհասփյուռ հայերն ինձ սիրում են, քանի որ ես ասում եմ՝ Հայոց ցեղասպանություն եղել է. Կարո Փայլան

Լրագրող Ահմեդ Հաքանին տված հարցազրույցի վերջում Ժողովուրդների դեմոկրատական կուսակցությունից Թուրքիայի խորհրդարանի հայ պատգամավոր Կարո Փայլանը խոսել է իր` պատգամավոր ընտրվելու վերաբերյալ արձագանքների մասին:

«Աշխարհի տարբեր անկյունների հայերն ուրախացան իմ ընտրվելու կապակցությամբ, քանի որ ես ասում եմ` Հայոց ցեղասպանություն եղել է»,- ասել է նա:

Հարցին, թե «Ցեղասպանություն եղել է» կասե՞ն նաև Սելինա Դողանն ու Մարգար Եսայանը, հայ պատգամավորը պատասխանել է. «Մարգարն այսօր չի ասի, Սելինան էլ կդժվարանա, քանի որ կուսակցությունները դեռ պատրաստ չեն դրան»:

Իսկ «Մարգարն առաջ կասե՞ր` Ցեղասպանություն եղել է» հարցին, Փայլանը պատասխանել է. «Իհարկե, կասեր, այսօր չի կարող ասել, կարծում եմ՝ կդժվարանա»: