Եռյակն իշխանափոխության հարց բարձրացնելո՞ւ է

Հայտնի է, որ եռյակում հոկտեմբերի 10-ին կայանալիք հանրահավաքի օրակարգի, մասնավորապես` իշխանափոխության հարցը բարձրացնելու վերաբերյալ դիրքորոշումները տարբեր են եւ տարածայնությունների տեղիք են տալիս:

Yerkir.am-ը ԱԺ ՀԱԿ խմբակցության պատգամավոր Արամ Մանուկյանից փորձեց պարզել` ի վերջո, իշխանափոխության պահանջ դրվելու է, թե` ոչ: Հստակ պատասխան պատգամավորը չտվեց:

«Օրակարգի և ելույթների բովանդակությունը չի քննարկվել: Դեռ շատ ժամանակ ունենք: Պատասխանը հետևյալն է` մեր և ժողովրդի ներդաշնակ եզրակացությունը բոլորը կլսեն»,- ասաց նա:

Արամ Մանուկյանը չկարողացավ ասել նաեւ՝ արդյո՞ք Տեր-Պետրոսյանը ներկա կլինի հանրահավաքին: «Դեռևս չեմ կարող պատասխանել այդ հարցին»,- ասաց նա:

Նշենք որ անհայտ է նաեւ հանրահավաք հրավիրած մյուս երկու ուժերի՝ ԲՀԿ-ի եւ «Ժառանգության» ղեկավարների` հանրահավաքին ներկա լինել-չլինելու հարցը: