Առավելագույնը մեկ ամսից բոլոր դատախազները համազգեստ կկրեն. Գևորգ Կոստանյան

2013թ. հունիսի 8-ից ուժի մեջ մտավ «Դատախազության մասին» օրենքում փոփոխություններ կատարելու մասին օրինագիծը, ըստ որի` համազգեստի կրումն այսուհետ պետք է տարածվեր բոլոր դատախազների վրա: Այդ նպատակով ՀՀ 2014 թվականի պետական բյուջեից դատախազությանն է փոխանցվել 105,991.8 հազ. դրամ:

Այս առիթով այսօր yerkir.am-ի լրագրողը գլխավոր դատախազ Գևորգ Կոստանյանից հետաքրքրվեց` արդյոք պատրա՞ստ են համազգեստները, և երբ, ի վերջո, բոլոր դատախազները համազգեստ կկրեն:

«Հուլիսի 1-ին` դատախազության օրը` փորձելու ենք ամեն ինչ անել, որ առնվազն ղեկավար անձնակազմն ունենան այդ համազգեստը: Ինչպես տեսնում եք, ես արդեն համազգեստը կրում եմ: Կարծում եմ` առավելագույնը մեկ ամսվա ընթացքում բոլոր դատախազները համազգեստ կկրեն»,- ասաց Կոստանյանը:

Մանրամասները` yerkir.am-ի տեսանյութում: