ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Խաչատուրով-Գեւորգ Կոստանյան հակամարտությունը սրվում է

Հերթական ուշագրավ միջադեպն է գրանցվել ՀՀ զինդատախազ Գեւորգ Կոստանյանի եւ Զինված ուժերի շտապի պետ Յուրի Խաչատուրովի միջեւ:

Բանն այն է, որ Գեւորգ Կոստանյանը այդպես էլ չի համակերպվում իր նոր պաշտոնի հետ, եւ նրան դեռեւս թվում է, թե ինքը Սերժ Սարգսյանի օգնականն է եւ աշխատում է նախագահականում, ըստ այդմ` կարող է հրամայական կամ մեղադրող տոնով ինչ-որ հարցեր բարձրացնել կամ քննադատել սրան-նրան` վատ աշխատանքի համար:

Պաշտպանության նախարարությունում անցկացված վերջին աշխատանքային հանդիպման ժամանակ Կոստանյանը հարց է հնչեցրել, թե ինչու են վերջին շրջանում բանակում շատացել սպայական անձնակազմի կողմից կատարվող ապօրինությունները: Ի պատասխան` Խաչատուրովն արձագանքել է. «Բայց էդ հարցը ինքդ քեզ տուր, ինչի ես մեզ տալիս»: Ապա Խաչատուրովը հավաքվածներին հիշեցրել է, որ իրենք եկել են քննարկելու սպայական կազմի մարտական պատրաստակամության հետ կապված հարցերը: «Так что говори по сути»,- Գեւորգ Կոստանյանին նկատողություն է արել Յուրի Խաչատուրովը: