Մամեդյարովը՝ Ջեյմս Ուորլիքի հայտարարության մասին

Ադրբեջանի ԱԳՆ ղեկավար Էլմար Մամեդյարովը մեկնաբանել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի ելույթը. հայտնում է trend.az-ը:

«Ադրբեջանի տարածքային ամբողջականությունը բանակցությունների առարկա չէ, և եթե, առաջին հերթին, Հայաստանի ԶՈՒ-ն դուրս բերվեն Ադրբեջանի օկուպացված տարածքներից, բոլոր խնդիրները կարող են լուծվել»,- հայտարարել է Մամեդյարովը:

Նա նաև վստահեցրել է, որ ադրբեջանական կողմը համաձայնություն է տվել սկսել աշխատանքը ԼՂ հակամարտության լուծմանն ուղղված խաղաղ համաձայնագրի վրա:

Մամեդյարովի խոսքերով՝  հակամարտության կարգավորման շրջանակում այդ տարածքներում պետք է խաղաղապահներ տեղակայվեն, քանի որ  երկու կողմերի միջև չկա  վստահություն տեղաբնակների անվտանգության ապահովման հարցում: 

Ուշագրավ է, որ ՀՀ ԱԳՆ-ն դեռ «արջի ականջում քնած» է եւ չի արձագանքել Ուորլիքի՝ խիստ մտահոգիչ հայտարարությանը: