Ջեյմս Բոնդ չլինի, ով ուզում ա` լինի. Սեյրան Սարոյանը՝ Ջեյմս Ուորլիքի հայտարարության մասին

ԱԺ ՀՀԿ խմբակցության պատգամավոր, գեներալ Սեյրան Սարոյանն այսօր խորհրդարանում, լրագրողների հետ զրույցում անդրադառնալով ԵԱՀԿ Մինսկի խմբի համանախագահ Ջեյմս Ուորլիքի այն հայտարարությանը, թե Ղարաբաղյան հակամարտության կարգավորման ճանապարհը որոշակի շրջանների հանձնմամբ է հնարավոր, ասաց. «Ուրեմս, Ջեյմս Բոնդ չլինի, ով ուզում ա` լինի, Ղարաբաղի հարցը ոչ մեկ չի կարա լուծի, Ղարաբաղը մերն ա, ով ինչ ուզում ա, թող խոսա»:

Ըստ նրա` եթե Ղարաբաղի կարգավիճակի հարցը լուծվի, նոր հնարավոր կլինի խոսել այդ մասին: «Ոչ մի գրող էլ չենք տա դրանց արևին»,- հավելեց Սարոյանը:

Դիտարկմանը, թե միջազգային հանրությունը, օրինակ՝ Ֆրանսիան, Ռուսաստանը և այլն, կողմ են խնդրի կարգավորման այդ տարբերակին, պատգամավորը պատասխանեց. «Ասենք` հա խոսում են, արջը յոթ երգ գիտի, յոթն էլ մեղրի մասին ա: Հա, թող խոսան, որ խոսացին, ի՞նչ ա փոխվում»: