Թոշակների վճարման հետ կապված որեւէ խնդիր չկա. Արտեմ Ասատրյան

Կառավարության այսօրվա նիստի ժամանակ վարչապետ Տիգրան Սարգսյանը ՀՀ աշխատանքի եւ սոցիալական հարցերի նախարար Արտեմ Ասատրյանից հետաքրքրվեց թե ինչ խնդիր կա, որ թոշակների վճարումներն ուշացվում են: Արտեմ Ասատրյանը պատասխանեց, թե համաձայն կառավարության ընդունած որոշման ու վարչապետի ցուցումի, յուրաքանչյուր ամսվա երրորդ աշխատանքային օևրվանհից սկսած կվճարվեն կենսաթոշակները ու նաեւ կոչ է արվել քաղաքացիներին ամսվա առաջին կամ երկրորդ օրը չգնալ փոտային բաժանմունքներ:

«Հիմա այս ամսիս, քանի որ երրորդ աշխատանքային օրը ամսի 5-ն էր, մենք սկսեցինք ամսի 4-ից վճարումները: Ուղղակի 2-3-ը ոչ աշխատանքային օրեր են եղել, սակայն քաղաքացիները գնացել են փոտային բաժանմունքներ. Սա է եղել խնդիրը` այլ խնդիր չկա»,- նշեց նախարարը:

Վարչապետը հետաքրքրվեց` տեխնբիկապես հնարավոր չէ՞ արդյոք մեկ օր առաջ գցել վճարումները, ինչին ԱՐտեմ Ասատրյանը պատասխանեց, թե տեխնիկապես հնարավոր չէ, քանի որ մինչեւ ամսի 31-ըմ ընդունված Դիմումների վերաբերյալ որոշումներ են կայացվում: Այսինքն` մեկ աշխատանքային օր էլ անհրաժեշտ է, որ կենտրոնացված համակարգով որոշումներ կայացվեն, որպեսզի նախորդ ամսվա մինչեւ վերջին օրը դիմում-բողոքներով դիմած քաղաքացիների իրավունքները հաջորդ ամսվա հենց սկզբից իրացվեն:

«Որեւէ խնդիր չկա, բացարձակ պրոբլեմ չկա, ուղղակի մենք պետք է տեղեկացվածությունն ապահովենք. Մենք յուրաքանչյուր ամսվա վճարումների օրը պետք է քաղաքացիներին տեղեկացնենք, թե հաջորդ ամսվա որ օրվանից են սկսվելու քաղաքացիների վճարումներն ավելի հասանելի միջոցներով»,- նշեց Արտեմ Ասատրյանը: