Սերժ Սարգսյանը տեղյակ է Ծառուկյան-Բաղդասարյան միջադեպից

ՕԵԿ-ական պատգամավոր Հովհաննես Մարգարյանն այսօր ԱԺ-ում մի քանի լրագրողների հետ զրույցում, մեկնաբանելով երեկ «Զվարթնոց» օդանավակայանում ԲՀԿ նախագահ Գագիկ Ծառուկյանի և ԱԱԽ քարտուղար Արթուր Բաղդասարյանի միջև տեղի ունեցած միջադեպը, նշեց, որ այն կապված է եղել Վոլեյբոլի ֆեդերացայի նախագահի պաշտոնում Արթուր Բաղդասարյանի առաջադրման հետ:

«Տղամարդկային բանավեճ է տեղի ունեցել, երկուսն էլ իրենց կարծիքներով կոռեկտ ձևով հեռացել են»,-ասաց նա և հավելեց, որ խնդիրը կապված է եղել նաև Սպորտի նախարության գործառույթների հետ: Նրա խոսքով` քաղաքական գործիչների միջեւ բացառված չէ, որ վեճի առիթներ լինեն և նյարդերը տեղի տան:

Հարցին, թե Սերժ Սարգսյանը տեղյակ եղե՞լ է միջադեպի մասին, Մարգարայանը պատասխանեց. «Կարծում եմ, բոլորն են տեղյակ»: